Новости Борисова

Алена Маеўская: “Мяне натхніў забіяка Толік, якому я напісала гнеўны вершык”

У Цэнтральнай раённай бiблiятэцы адбылася прэзентацыя кнігі вершаў «Адзеньне для птушак»

07 марта 2018, 15:07
Новости Борисова EX-PRESS.BY
0

У краязнаўчым цэнтры Цэнтральнай раённай бiблiятэкi імя І.Х. Каладзеева ўчора, 6 сакавіка, адбылася прэзентацыя кнігі вершаў «Адзеньне для птушак» Алены Маеўскай.

Зборнік "Адзеньне для птушак" — гэта першая кніга барысаўскай паэткі. Яе выданню папярэднічалі публікацыі ў перыядычным друку і літаратурных часопісах, такіх як "Маладосць", "Беларусь", газеце "Літаратура і мастацтва" і іншых выданнях.

— Ініцыятарам стварэння зборніка была мая сястра Тамара. Яна хацела, каб я ўсё, што публікавала, сабрала ў адной кнізе. Так былі абраны і выдадзены лепшыя вершы, – распавядае Алена аб тым, як з’явілася ідэя зборніка

— Як і калі вы пачалі пісаць вершы?

— Мая літаратурная дзейнасць бярэ пачатак яшчэ ў школе. Мяне натхніў забіяка Толік. Мы з ім часта біліся, і ніколі мне не ўдавалася яго перамагчы. Вось аднойчы на занятках па маляванню я напісала гнеўны вершык, але з гумарам. Мне хацелася, каб хто-небудзь за мяне заступіўся. У той дзень некаторыя хлопцы перайшлі на мой бок. Хачу сказаць, што слова — гэта не толькі прыгажосць, але і велізарная сіла. Словы мацней за ўсякія адносіны. Памятаю, як усе прасілі напісаць пра яго яшчэ і яшчэ. Так што са школьнай лавы я пачала пісаць вершы. Калі была ў старэйшых класах, хацела пісаць для душы. Я напісала верш "Многоточие". У школе я пісала пераважна на рускай мове.

— Якія паэты паўплывалі на вашу літаратурную дзейнасць?

— Мае вершы публікавалі ў нашай газеце, і аднойчы мне прыйшоў ліст, у якім мяне запрасілі ў літаратурную гасцёўню на вуліцу Марозава. Я хвалявалася і баялася ісці, бо там былi вядомыя ў Барысаве літаратары. Вельмі на мяне паўплывалі Аляксандр Быкаў, Юры Станкевіч, Таццяна Зіненка. Менавіта пад уплывам Таццяны я вырашыла перайсці на беларускую мову. У маім доме заўсёды гучала беларуская мова. Бабуля размаўляла на роднай мове, таму бар'ера моцнага не было.

Крыху пазней паэтка пачала захапляцца белым вершам. Алена кажа, што «такі верш павінен быць яшчэ большай дасканалым». 

Барысаўскі настаўнік і журналіст Іван Белы павіншаваў паэтку:

— Цудоўна, што ваш творчы плён аформілі ў такую кнігу паэзіі. Яна багатая на пачуцці і развагі. Па складу характару і адукацыі вы філосаф, таму вашы вершы вызначаюцца глыбокімі роздумамі. Вашы творы самастойныя, вы кранаеце нейкімі перажываннямі, у вас ёсць філасофія пачуцця. Давайце вашы новыя вершы. Газета "Гоман Барысаўшчыны" чакае іх.

На пытанне, дзе паэтка чэрпае натхненне, яна адказала:

— Крыніца натхнення — гэта нейкія падзеі, людзі. Але аднойчы я доўга працавала над вершам, напісала шмат радкоў, яны былі ўсе вельмі важныя. Увесь дзень пісала, думала, глядзела, мне ўсё не падабалася, усё не тое. Калі я пайшла спаць, у мяне нарадзіўся верш, зусім іншы, але адразу поўны. Я хачу сказаць, што калі чалавек не працуе, у яго нічога не атрымаецца, ніякага верша ў выніку не будзе.

Марыся Калiпiгiна. Фота Паўла Сляпухiна.
Подпишитесь на канал EX-PRESS.BY в Telegram и будьте в курсе самых актуальных событий Борисова, Жодино, страны и мира.
Добро пожаловать в реальность!
Если вы заметили ошибку в тексте новости, пожалуйста, выделите её и нажмите Ctrl+Enter

Конвертер

ПОСЛЕДНИЕ НОВОСТИ
Политика
«Мария в порядке, настроение боевое, к процессу готова»
Общество
Лукашенко: журналисты и блогеры должны работать с разрешения идеологов
Экономика
Лукашенко раскрыл карты: выявлена сеть фирм, выступивших за перемены
Политика
Мнение: Почему Байден тянул со встречей с Тихановской
Политика
«Люди, которые сегодня были на совещании, они как никто другой знают — Лукашенко не избран»
Спорт
Олимпиада-2020. 30 июля. Все призеры дня и медальный зачет
Спорт
Ходасевич о БАТЭ: «Бага – аут, Альшевский – аут, Лисовский – аут. Жуковский – аут? Ну и? Что ищем-то? А ищем вчерашний день. А его давно нет уже»
Спорт
«Шахтер» заработал в еврокубках 810 тыс евро, БАТЭ, брестское «Динамо» и «Торпедо»-БелАЗ – по 450 тыс
Новости Борисова
Фото дня. Возле «Борисовдрева» установили арт-объект из огромных «спичек»
Политика
«Не исключается применение военной силы». Как заговорили силовики в Беларуси после визита Тихановской в США
ВСЕ НОВОСТИ