Новости Борисова

Хто такі Пячынскі і чаму ў яго гонар названы чыгуначны прыпынак?

Барысаўцам не шанцуе з філолагамі Беларускай чыгункі…

30 мая 2019, 10:25
5423
Новости Борисова EX-PRESS.BY
0

Абноўлены будынак першага чыгуначнага прыпынку ў напрамку на Мінск цешыць вока барысаўцаў, але некаторыя жыхары нашага гораду не разумеюць, хто такі Пячынскі і за якія заслугі яго прозвішчам названы прыпынак.

Зразумела, што ніякага выбітнага дзеяча, прынамсі, у Барысаўскім раёне, з такім прозвішчам не было. Проста ў Беларускай чыгунцы вырашылі перайменаваць прыпынак, які некалі называўся “Печынскі”, а яшчэ раней — “Печы”.

Што на гэты конт мяркуе, напрыклад, Іван Белы, вядомы ў горадзе журналіст, які шмат гадоў выкладаў беларускую мову?

— Да мяне ўжо звярталіся з гэтым пытаннем жыхары Барысава, — распавёў Іван Юр’евіч. — Былы вайсковы гарадок, а зараз мікрараён горада мае назву Печы. Таму прыметнік павінен гучаць як Печынскі, а не Пячынскі. Але ўвогуле, чаго было мудрыць? Чаму не пакінуць назву Печы? Прыпынак Барсукі не завецца Барсукоўскім, і прыпынак Жодзіна — Жодзінскім. Навошта было прыдумляць новую недакладную назву?

Ost2

Думку Івана Белага падтрымлівае і Міхась Мацельскі, краязнаўца, рэдактар выдання “Гоман Барысаўшчыны”.

— Барысаўскаму раёну не шанцуе ў гэтым сэнсе. Дастаткова ўзгадаць прыпынак “Пралетарская перамога”, які чыгуначнікі ўпарта і недарэчна называюць “Пралетарская пабеда”. Гэтак атрымалася і з Пячынскім. Вёска, ад якой атрымаў назву ваенны гарадок, а потым і прыпынак, мела назву Печы. Пэўна, той, хто складаў спіс назваў прыпынкаў, не ўнікаў у паходжанне назвы.

%d0%a4%d0%b8%d0%bb%d0%be%d0%bb%d0%be%d0%b3%d0%b8%d0%96%d0%94!

Дарэчы, за вяртанне назвы “Пралетарская перамога” чыгуначнаму прыпынку даволі доўга змагаўся праваабаронца Алег Мацкевіч. Але і па гэты час на шыльдзе чыгугачнага прыпынку напісана “Пралетарская пабеда”. І гэта пры тым, што на адлегласці некалькі дзясяткаў метраў на шыльдзе, якая пазначае мяжу населенага пункту, ёсць надпіс “Пралетарская перамога”. У чым справа?  

%d0%a4%d0%b8%d0%bb%d0%be%d0%bb%d0%be%d0%b3%d0%b8%d0%96%d0%942

—Так, яшчэ ў 2014 годзе я звяртаўся са скаргамі ў шматлікія інстанцыі, у тым ліку ў Міністэрства транспарта й камунікацый і да старшыні Рэспубліканскай тапанімічнай камісіі пры НАНБ, — пацвердзіў Алег Мацкевич. —  Назву “Пралетарская пабеда” чыноўнікі апраўдвалі тым, што яна ўключаная ў даведнік станцый і прыпынкаў Беларускай чыгункі і сумежных краінаў на беларускай мове. Паразуменне мая пазіцыя знайшла менавіта ў кіраўніцтва Рэспубліканскай тапанімічнай камісіі пры НАНБ.

Як паведаміў праваабаронца, старшыня камісіі І. Капылоў адказаў, што назва “Пралетарская пабеда” была замацаваная ў праекце электроннага “Даведніка станцый і пунктаў прыпынку Беларускай чыгункі і сумежных дзяржаў”, перададзенага Беларускай чыгунцы. Гэта быў не канчатковы варыянт, паколькі ў даведніку многія назвы пунктаў прыпынку патрабавалі ўдакладнення напісання на беларускай і рускай мовах. Да такіх “праблемных” назваў належала і “Пралетарская перамога (пабеда)”. У даведніку пакінулі назву “Пралетарская пабеда” са значком “*”, што ўказвала на неабходнасць далейшага ўзгаднення напісання. Але адказныя прадстаўнікі Беларускай чыгункі не ўлічылі заўвагаў распрацоўшчыкаў і самастойна змянілі “перамогу” на “пабеду”.

Пасля вывучэння пытання прадстаўнікі камісіі прыйшлі да высновы аб памылковасці назвы з ужываннем слова “пабеда”, і палічылі мэтазгодным захаваць ранейшую назву “Пралетарская перамога”. Таксама старшыня камісіі выразіў спадзеў, што недарэчная сітуацыя будзе бліжэйшым часам выпраўленая. І накіраваў свае меркаванні ў кампетэнтныя органы.

— Я таксама зрабіў яшчэ некалькі зваротаў у дзяржаўныя структуры, — удакладніў Алег Мацкевіч. — Дзяржаўны камітэт па маёмасці адказаў, што пасля нармалізацыі найменняў чыгуначных аб’ектаў назва прыпынку зменіцца на “Пралетарскую перамогу”. Праз паўгады, заўважыўшы, што “пабеда” застаецца на месцы, я звярнуўся да кіраўніцтва Белчыгункі. У адказе намеснік начальніка У. Балахонаў напісаў, што ў чэрвені 2015 г. адбылося паседжанне Тапанімічнай камісіі пры Савеце Міністраў. Згодна пратаколу паседжання камісія вырашыла дадаткова ўдакладніць спіс і перадаць яго чыгунцы. Але на той момант спіс у распараджэнне кіраўніцтва чыгункі так і не паступіў.

Прайшло пяць год... Пэўна, трэба турбаваць дзяржаўных чыноўнікаў ізноў. У тым ліку па слушнасці выкарыстання назвы “Пячынскі”.

Обсудить в чате
Подпишитесь на канал EX-PRESS.BY в Telegram и будьте в курсе самых актуальных событий Борисова, Жодино, страны и мира.
Добро пожаловать в реальность!
Если вы заметили ошибку в тексте новости, пожалуйста, выделите её и нажмите Ctrl+Enter

Конвертер

ПОСЛЕДНИЕ НОВОСТИ
Политика
Телевизор в камере Бабарико барахлил, когда по ОНТ показывали «расследование» о «деле Белгазпромбанка»
Новости Жодино
Фото дня. «Велопарковка» возле «Жодино-Южного» расширяется
Политика
Эдуард Бабарико: «Мы обязательно увидимся, свободными и счастливыми»
Общество
Романчук: Несмотря на обещание Лукашенко, пустующие дома вряд ли станут дачами горожан
Политика
Канопацкая: в этих выборах участвуют лишь два серьезных политика — я и Лукашенко
Общество
Белорусы снова извиняются перед милицией — МВД о «Telegram-угрозах»
Общество
Полковник МВД: интернет нельзя запретить, как нельзя запретить воздух
Общество
Новый рецепт борьбы с COVID-19 от Лукашенко: мёд попробовал и в криницу
Новости Борисова
Борисовский суд рассмотрел уголовное дело о трагическом ДТП в ноябре 2019 года
Спорт
Хоккеисты-легионеры минского «Динамо» согласились на понижение зарплаты
ВСЕ НОВОСТИ