Новости Борисова

На прэмii «Зрабiлi» адзначылi тры iнiцыятывы з Барысава. Фота

EX-PRESS.BY распавядзе пра тых, хто робіць наш рэгіён лепш.

13 января 2020, 10:02
602
Новости Борисова EX-PRESS.BY
0

На ўзнагароджанні прэміi «Зрабiлi» былі адзначаны тры ініцыятывы з нашага рэгіёну. 

Img 20200111 074550 413

За прасоўванне гендэрнай роўнасці

Праект Школа жаночага настаўніцтва «Драбінкi» Барысаўскай жаночай сацыяльнай арганізацыi «Правінцыя» i моладзевы клуб «Будзь сабой» былi адзначаны ў намінацыi «За прасоўванне гендэрнай роўнасці». 

«Правінцыя» працуе ў Барысаве ўжо каля 20 гадоў. Дзейнасць арганізацыі накіравана на дапамогу жанчынам, на абарону іх правоў і інтарэсаў. Арганізацыя актыўна падтрымлівае жанчын, пацярпелых ад хатняга гвалту. Жаночая крызісная лінія — 8 (029) 75463524.

Моладзевы клуб «Будзь сабой» створаны ў 2019 годзе для гендэрнай асветы, а таксама для рэалізацыі сацыяльных, культурных, грамадска-значных ініцыятыў. Дыскусіі, здымкі сацыяльных ролікаў, чыткі п'ес, жывая бібліятэка, прагляд і абмеркаванне фільмаў, кніг, рэкламных кампаній, стварэнне ўласных медыя-прадуктаў — гэта ўсё моладзевы клуб. 

Набор адкрыты для моладзі, a таксама ўсіх актыўных людзей любога ўзросту.

Img 20200111 074537 879

«All inclusive» 

У намінацыі «All inclusive»  была ўзнагароджана барысаўская «Тата-школа» за фестываль «Запрашаем на татавы бліны». 

«Тата-школа» iснуе ўжо некалькі гадоў і з'яўляецца часткай вялікай супольнасці тат па ўсёй краіне.

Грамадская актывістка Алена Аўтушка распавяла EX-PRESS.BY пра прэмію i пераможцаў з Барысава. 

— Трэба адзначыць, што мы з Настай Герыловiч былі не адзінымі з Барысава i Жодзіна, каго адзначылі ініцыятары прэміі. Так што «Правінцыя» са сваім праектам «Школа жаночага настаўніцтва» сёлета апынулася ў добрай кампаніі. Яшчэ адна, акрамя «Правінцыi», барысаўская ініцыятыва была намінаваная на прэмію «Зрабілі» за прасоўванне гендэрнай роўнасці. Гэта моладзевы клуб «Будзь сабой», які стварыла наша сяброўка i ментарка Вольга Мурашка. Яна атрымала не толькі грамату, але і статуэтку.

Img 20200111 074605 637

У намінацыі «All inclusive» была ўзнагароджана барысаўская «Тата-школа» за фестываль «Запрашаем на татавы бліны».

Віншуем і радуемся поспеху!

Наста Аляксандрава, фотаздымкi Вікторыi Макаранка
Обсудить в чате
Подпишитесь на канал EX-PRESS.BY в Telegram и будьте в курсе самых актуальных событий Борисова, Жодино, страны и мира.
Добро пожаловать в реальность!
Если вы заметили ошибку в тексте новости, пожалуйста, выделите её и нажмите Ctrl+Enter

Конвертер

Loading...