Новости Жодино

«Паколькі ў нас тут «свята» - хацелася б пазычыць трываласці сапраўдным педагогам»

05 октября 2014, 12:50
1030
Новости Жодино EX-PRESS.BY
0
Аб сучаснай школе распавёў ex-Press.by настаўнік, які адпрацаваў у сістэме адукацыі больш за 15 год, але селета не прадліў кантракт. Чаму – ен патлумачыў каротка, але зразумела.

«Школа – яна такая.

Савецкай ганарыліся. Там, дзе «усе ўсё» ведалі. Часы тыя мінулі. Аказваецца, на сёння трэба вузкія спецыялісты. І «усё» ведаць далёка неабавязкова.

Замала – нам «непатрэбная» вышэйшая адукацыя. Дайце нам каменшчыкаў!

А дзеці імкнуцца да вышэйшай. Каб потым усё кінуць і ехаць у Маскву будаўніком. Але ж і каменшчыкі чытаць/пісаць мусяць умець.

Як іх навучыць? І як гэта робяць у нас? А як ва ўсім свеце. Амаль. Чым могуць адрознівацца ўрокі? Практычна нічым. А вот стаўленне да асобы дзіця – гэта іншае. Вот тут і адрозніваемся.  Ад Заходняй Еўропы.

Задайце сабе пытанне – навошта ваша дзіцё наведвае школу? Атрымаць веды? Сёння з GOOGLE? Кіньце. Школа патрэбная, найперш, каб навучыць дзіцё вучыцца. А далей удасканальвайцеся будучыя каменшчыкі ды настаўнікі.

Што адбываецца ўнутры сёняшняй школы? А тое, што і ў дзяржаве. Многа казалі пра заробкі і паперкі. Так і засталося. І ў гэтым ё пэўная рацыя. 

Пра паперкі. Настаўнік нібы мусіць адсочваць паспяховасць. І выяўляць прычыны праблемаў. Цікавая ў гэтым становішчы пазіцыя завуча. Навошта? Каб гэта абагульніць і выступіць на педрадзе? Фарс.

А пра заробкі і казаць няма чаго. Ну каб выжыць. Ды і што тыя заробкі. Дзетак няма. Перакос у колькасці маладых педагогаў і першакласнікаў заўважылі вельмі позна. Стаўку яшчэ паднялі. Вось і няма чаго атрымліваць. Раней кампенсавалася вялікай колькасцю гадзін. Цяпер няма гадзін – няма грошай. 

Ды і эканомім жа! На ўсім. Вось «малыя» школы закрываем. Мо і правільна. Тут цяжка спрачацца. Ну ў сітуацыі беднасці. Але вы ж ведаеце мову выкладання ў тых школах? Беларуская. З такой тэндэнцыяй школ з роднай мовай навучання не застанецца не толькі ў абласных цэнтрах, але і на вёсцы.

Яшчэ хацелася б закрануць курсы перападрахтоўкі настаўнікаў. Якія фінансуюцца замежнымі дзяржавамі і адстаюць на 10 год. Мяне пяць год таму вучылі  WORD і рабіць прэзентацыі… А я заўсёды думаў, справа настаўніка – купіць метадычку і даваць па ёй урокі. Куды на 10 год зніклі метадысты? Што мусілі гэта ўсё распрацаваць. Якіх, дарэчы, практычна разагналі зараз і дзе заробкі ўвогуле мізэрныя.

Невылечная праблема школы – хабар. Недзе чытаў, што ў сістэме адукацыі вялікі. Як адбываецца? На нейкага настаўніка выпісваецца прэмія, частку якой ён ціхенька заносіць дырэктару. Бывае, што так вырашаюць нейкія агульныя праблемы школы. А бывае і не. Натуральна. Да таго ж плыня маладых спецыялістаў толькі паскорыла негатыў. Пакуль гэты малады што зразумее! Наносіць столькі прэмій. Як ужо сказаў – для мяне праблема пры сёняшняй сістэме абсалютна невылечная. І пракурорскія праверкі былі, і скаргі. Нічога не мяняецца. Усе ж маўчаць. Ну а калі пару чалавек на краіну скажуць – ім ужо не працаваць на былым месцы.

І пра кантроль ведаў. ЦТ адвучае дзетак размаўляць. Абсалютная праўда. Але змяншае хабарніцтва ў дзяржаве. Што больш выгодна? Думаю, апошняе. І падабраныя з розумам тэсты.

Ну а паколькі ў нас тут «свята» - хацелася б пазычыць трываласці сапраўдным педагогам. Яны ёсць. Душа ляжыць да дзяцей. А тыя, хто «перачакаць» - з такім заробкам не перачакаеш. Хіба, адпрацаваць трэ.

Ну а дзеткам – менш быць у становішчы асобаў, на якіх ставяць эксперыменты. Педагогіка ўсё ж кансерватыўная навука».
Обсудить в чате
Если вы заметили ошибку в тексте новости, пожалуйста, выделите её и нажмите Ctrl+Enter

Конвертер