Каталікі з Барысава і Жодзіна рыхтуюцца да Фестываля кветак

17 верасня ў вёсцы Росіца Верхнядзвінскага раёна Віцебскай вобласці адбудзецца сустрэча падзякі Богу за прыгажосць прыроды і за сёлетні ўраджай. Фестываль кветак будзе складацца з двух частак - малітоўнай і забаўляльнай. 

У першай частцы пройдзе Імша, будзе магчымасць прыступіць да споведзі ў сьвятыню благаслаўлёных пакутнікаў Юрыя і Антонія.

Цікавую забаўляльную праграму для ўдзельнікаў Фестывалю падрыхтавалі мясцовыя жыхары, а пробашч парафіі, кс. Чэслаў Курэчка абяцае пачаставаць фірмовай грыбной пахлёбкай. 

11.00 - адарацыя Найсвяцейшага Сакрамэнту (магчымасць споведзі); 

11.30 - Ружанец - малітва з разважаннямі св. Станіслава Папчынскага;

12.00 - святая Імша; 

13.15 - забаўляльная праграма.

 

Нагадаем, Фестываль кветак ў Росіцы пройдзе ў другі раз. У мінулым годзе свята адбылося ўпершыню.