Политика

«Лукашэнка як той Юзік з нашай вёскі, што хацеў падпаліць хаты суседзяў»

21 февраля 2012, 12:41
760
Политика Радыё Свабода
0

Аляксандар Лукашэнка заявіў, што Беларусь гатовая вельмі жорстка адказаць на эўрапейскія санкцыі супраць афіцыйнага Менску. Беларускія апазыцыйныя палітыкі лічаць, што такім эпатажным чынам Лукашэнка паказвае сваю гатоўнасць да дыялёгу з Эўропай.

— Гэтыя санкцыі, якімі вы размахваеце перад нашым носам, мы пакуль трываем. Але як толькі вы пераступіце чырвоную лінію, мы адкажам вельмі жорстка, — заявіў кіраўнік Беларусі 20 лютага.

Былы кандыдат у прэзыдэнты, лідэр кампаніі «Гавары праўду» Ўладзімір Някляеў пракамэнтаваў сутнасць выказванняў Аляксандра Лукашэнкі, распавёўшы гісторыю з жыцця:

— У нас у вёсцы быў такі Юзік. Ягоная ўбогая хаціна стаяла паміж двух добрых гаспадарскіх дамоў. Ён ня мог пабудаваць сябе такія дамы, як ягоныя суседзі, таму ўвесь час гразіўся: «Я вас спалю, от я вас спалю». І вось аднойчы ўначы надумаўся, узяў запалкі, пайшоў нібыта паліць — але сусед убачыў, даў пад азадак і зноў закінуў назад у тую самую хаціну.

Дык вось трэба проста будаваць свае дамы, каб яны былі такімі сама заможнымі, як у суседзяў. І тады ніхто ня будзе даваць табе пад азадак, і гэта ня будзе выклікаць такога раздражнення і злосці, якую цяпер выклікае ў гаспадара Рэспублікі Беларусь.

Галоўны рэдактар газэты «Новы час» Аляксей Кароль лічыць, што нэрвовая рэакцыя Лукашэнкі паказвае: уведзеныя эўрапейцамі візавыя санкцыі дзейнічаюць і аказваюць істотны ўплыў на настроі кіраўнікоў Беларусі:

— Я думаю, гэта досыць паказальныя выказваньні як доказ таго, што санкцыі — сапраўды болевая кропка ва ўспрыняцці Лукашэнкам пазыцыі Захаду. Болевая кропка з галоўнай прычыны — неабходнасць мець з Эўропай нармальныя адносіны, каб мець інвэстыцыі і мець магчымасць карыстацца тэхналягічнымі дасягненнямі Эўропы. І па-другое — гэта болевая кропка, паказнік таго, што да яго цывілізаваны свет ставіцца як да другаснага палітыка. Гэта адкрыты доказ таго, што санкцыі дзейнічаюць, і гэта галоўны пасыл.

Кіраўнік АГП Анатоль Лябедзька выказвае думку, што сваімі рэзкімі заявамі Лукашэнка на самой справе дэманструе, што ён ужо гатовы да дыялёгу з Захадам:

— Мне падаецца, што Аляксандар Лукашэнка даспеў для перамоў і дыялёгу з Захадам. Калі Лукашэнка ўзмацняе сваю рыторыку, то гэта азначае, што ён хоча прыцягнуць увагу да сябе, нагадаць пра сябе. Эканамічная сытуацыя напружаная, пэрспэктыва для рэжыму небяспечная, і таму яму трэба вяртацца да стратэгіі двухбаковага шантажу — з аднаго боку, Расеі, з іншага — Брусэлю. І, лавіруючы паміж імі, атрымліваць нейкія палітычныя і эканамічныя прэфэрэнцыі. Уся астатняя рыторыка — гэта эпатаж, толькі каб прыцягнуць да сябе ўвагу.

Без комментариев
Подпишитесь на канал EX-PRESS.BY в Telegram и будьте в курсе самых актуальных событий Борисова, Жодино, страны и мира.
Добро пожаловать в реальность!
Если вы заметили ошибку в тексте новости, пожалуйста, выделите её и нажмите Ctrl+Enter

Конвертер

ПОСЛЕДНИЕ НОВОСТИ
Общество
Мегамарш в Минске в поддержку «Народного ультиматума» (онлайн)
Общество
Число новых случаев COVID-19 в Беларуси вторые сутки превышает 800
Новости Борисова
Из люстры — водопад, из розеток — ручьи. В Борисове после капитального ремонта в доме прорвало систему отопления
Новости Борисова
В Борисове задержали 17 человек, вышедших на акцию протеста
Общество
Колонну техники силовиков в Уручье встречает большой бчб-флаг. Фотофакт
Общество
В Минске закрывают сразу 12 станций метро
Политика
Как пропаганда Лукашенко преподнесла его разговор с Помпео: и что обсуждалось на самом деле
Общество
Улыбка дня. «Дописываю до точки и присоединяюсь к общенациональной забастовке!»
Общество
Прокопьев – ОМОНу: «Если в войну про нацистов всё нашли и в папочки сложили, то в 21-м веке всё оцифровано, все доказательства есть»
Новости Жодино
Возле автостанции в Жодино образовался фонтан. Видеофакт
ВСЕ НОВОСТИ